Harrans tænarar
14.11.20 | Símin P. JacobsenHoyr Símun P. Jacobsen tala um at vera Harrans tænari. Í brævi sínum til tey trúgvandi í Róm, skrivar Paulus soleiðis:
“Paulus, tænari Jesu Krists, kallaður til ápostuls, tilskilaður til at boða gleðiboðskap Guðs, v2 sum hann frammanundan gav fyrijáttan um við profetum sínum í heilagum skriftum”
– Róm. 1.1-2
Orðið, sum brúkt verður fyri “tænari”, er griska orðið “doulos”, sum merkir tænari ella trælur. Í Áps. 6.2 lesa vit um, at tey fyrstu kristnu valdu sær 7 persónar at “tæna” við borðini. Hetta merki, at teir skuldu deila mat út til tey, sum høvdu tørv á tí. Orðið, sum brúkt verður her um at “tæna”, er griska orðið “diakoneo”, sum merkir at tæna.
Tað, at Paulus brúkar orðið “trælur” Jesu Krists vísir, at hann hevði uppgivið alt sítt egnað, fyri at tæna Jesusi. Vit síggja í Skriftini, at Jesus ofraði alt – enntá Sítt egna lív – fyri at KEYPA okkum leys undan trældómi, myrkursins harra. Hetta merkir, at vit nú er ogn Jesusar. Mótvegis myrkursins harra, so er Jesus ein góður og kærleiksfullur harri, sum ynskir at taka Sær av okkum í allar mátar.
Tá ið vit siga, at vit eru tænarar Jesusar, hvat leggja vit tá í hetta? Hvat meina vit við? Hava vit uppgivið alt okkara egna, fyri at tæna Honum? Jesus vísir okkum í Jóh. 13.1-11, at vit eiga at tæna hvørjum øðrum. Harvið tæna vit Honum.
Aðrar greinar
Gud er faðir okkara
Tá ið Jesus kom og kallaði Gud ”Faðir”, skapti tað tað stóra undran og øði millum fólkið, sum Hann prædikaði fyri. G...
Hví gera vit tað, vit gera?
Í Skriftini eru nógv dømi um menniskju, sum spyrja Gud spurningar um ymisk viðurskifti í teirra lívi. Men Sk...
Dýri Biðdagur Bøn
Dýra Biðidag skipar samkoman Lívsins Orð fyri bøn fyri Norðurlondum. Byrja verður kl. 10.00 við morgunmati. Bøn byrjar kl. 11.00 til 14.00. Skráin fyr...
