Hví brúkti Gud Jósef?
14.09.20 | Poli JacobsenHví kundi Gud brúka Jósef til at bjarga hópin av menniskjum? Og hví var Guds ætlan við Jósefi fullførd? Jósef var ein ungur drongur, sum Gud kallaði til at tæna Sær. Hann var ikki ein prædikumaður, pastorur ella profetur, men tó virkaði Gud í gjøgnum hann og fullførdi Sína ætlan við honum.
Men sjálvt um Gud hevur eitt kall til okkum og eina ætlan fyri okkara lív og virki, so hendir hetta ikki av sær sjálvum í okkara lívi. Vit hava eisini ein leiklut.
Tað eru tey, sum halda, at um Gud hevur eina ætlan við mær, so kemur hon at verða fullførd, tí tað er Guds vilji. Men fær Gud altíð Sín vilja á jørðini og í okkara lívi? Bíblian vísir fleiri dømi, har Gud vil eitt, men Hansara fólk vil og ger okkurt annað. Longu í fyrstu bók í Bíbliuni síggja vit, at menniskjan ikki ger tað, sum Gud vil, og harvið fær Gud ikki Sín vilja.
Tað er tí eyðsýnt, at vit hava okkara leiklut, tá ið tað snýr seg um at fullføra Guds vilja við okkara lívi. Gud kallar, leggur ætlan og útrustar okkum til at gera tað, sum Hann hevur ætlað okkum til.
Vit mugu FINNA okkara kall, TILOGNAÐ okkum Hansara ætlan og í trúgv velja at LIVA tað, sum Gud ynskir.
Hoyr Pola Jacobsen tosa um 7 fyritreytir og eginleikar, sum gjørdu, at Jósef var brúktur av Gudi, og at Guds ætlan varð fullførd við honum.
Aðrar greinar
Per Hyldegaard vitjar
Sunnudagin 26. Oktober fær samkoman Lívsins Orð í Runavík vitjan av danska evangelistinum Per Hyldgaard. Hann er stovnarin og leiðarin fyri missiónsfe...
Nærri – Felagsdagur fyri fríkirkjunetverkið
Hetta er dagurin, har vit leggja egin tiltøk, møtir og gudstænastur niður og koma saman sum karismatisk rørsla. Endamálið við Nærri er, at vit sum fel...
Samkomulegan 2025
Samkoman Lívsins Orð hevur samkomulegu í Skálavík frá fríggjadegnum 10. oktober til sunnudagin 12. oktober. Tí verður ikki møti í hølunum hjá Lívsins ...
