Hvar finnur tú hvílu?
09.09.23 | Tanja N. OlsenTanja N. Olsen talar um, hvar og hvussu vit finna andaliga hvílu og frið.Jóh. 14.27 sigur: “”Frið lati Eg tykkum eftir, frið Mín gevi Eg tykkum; ikki sum heimurin gevur, gevi Eg tykkum. Hjarta tykkara óttist ikki og missi ikki mótið!”” Ofta er tað bara ein passivur lesnaður ella ein passiv bíðan eftir Gudi og tí friði, sum Hann hevur at geva. Men vit mugu aktivt seta í gongd, so fullførir Gud tað og kemur við Sínum friði.
Komið higar til Mín, øll tit, ið strevast og hava tungt at bera – Eg skal geva tykkum hvílu! Takið ok Mítt á tykkum og lærið av Mær – tí Eg eri spakførur og eyðmjúkur av hjarta – so skulu tit finna sálum tykkara hvílu! Tí ok Mítt er gagnligt, og byrði Mín er løtt. – Matt. 11.28-30.
Tá ið Jesus sigur: “”Komið higar til Mín”” so er hetta ein aktiv handling, sum vit mugu gera. Tey av okkum, sum strevast og hava tungt at bera, mugu koma til Hansara, so skal Hann geva okkum hvílu.
Pætur sigur í 1. Pæt. 5.7: “”Og kastið alla sorg tykkara á Hann! Tí Hann hevur umsorgan fyri tykkum.”” Vit mugu kasta alla okkara sorg ella stúranir á Hann, tí Hann hevur umsorgan fyri tær. Eins og Maria valdi tann betra lutin og settist við Jesu føtur fyri at lurta eftir Honum, soleiðis mugu vit eisini velja at koma til Jesus og kasta allar okkara stúranir á Hann.
Stúrið ongum fyri, nei, latið í øllum tað, sum tit ynskja, koma fram fyri Gud í ákallan og bøn við tøkk! So skal friður Guds, sum stígur upp um alt vit, varðveita hjørtu og hugsanir tykkara í Kristi Jesusi. – Fil. 4.6-7.
Aftur her síggja vit, at vit aktivt mugu koma fram fyri Gud, SO skal friður Guds, sum stígur upp um alt vit, varðveita hjørtu og hugsanir okkara. Jesus setur í Jóh. 14.27 Sín frið upp í móti heimsins friði. Hann talar um ein annar frið enn tann, sum heimurin hevur at geva. Hvønn frið søkja vit?
Takksemi er ein lykil til frið í okkara lívi.
Aðrar greinar
Per Hyldegaard vitjar
Sunnudagin 26. Oktober fær samkoman Lívsins Orð í Runavík vitjan av danska evangelistinum Per Hyldgaard. Hann er stovnarin og leiðarin fyri missiónsfe...
Nærri – Felagsdagur fyri fríkirkjunetverkið
Hetta er dagurin, har vit leggja egin tiltøk, møtir og gudstænastur niður og koma saman sum karismatisk rørsla. Endamálið við Nærri er, at vit sum fel...
Samkomulegan 2025
Samkoman Lívsins Orð hevur samkomulegu í Skálavík frá fríggjadegnum 10. oktober til sunnudagin 12. oktober. Tí verður ikki møti í hølunum hjá Lívsins ...
