Jesus gevur styrki
27.09.21 | Símin P. JacobsenPaulus lýsir í brævinum til tey trúgvandi í Filippi, hvussu hann var komin ígjøgnum truplar støður. Orsøkina finna vit í Fil. 4.13, hvar Paulus sigur:
Eg orki alt í honum, sum ger meg sterkan.
Tað er tankavekjandi, at Paulus sat í fongsli, tá ið hann skrivaði hetta til tey trúgvandi í Filippi. Legg merki til, at tað er Í HONUM, Paulus orkaði alt. Hansara styrki kom frá Jesusi.
Í Áps. 16. lesa vit um, tá ið Paulus var í Filippi. Tann fyrsti persónurin, sum vit lesa um kemur til trúgv, er Lydia, ein kvinna frá yvirklassanum. Síðani lesa vit um ein træl, ein unga gentu, sum hevði spádómsanda, sum bleiv sett í frælsi. Til síðst lesa vit um fangavaktaran, sum kom til trúgv, meðan Paulus sat í fonglsinum, sum hann arbeiddi í. So evangeliið náddi allar samfelagsbólkar í Filippi.
Í Fil. 4.4-7 vísir Paulus okkum, hvussu vit kunnu “”orka alt í honum, sum ger meg sterkan””.
Gleðið tykkum í Harranum altíð! Eg sigi uppaftur: Gleðið tykkum! Spaklyndi tykkara verði øllum menniskjum kunnigt! Harrin er í nánd! Verið ikki stúrnir fyri nøkrum, men latið í øllum lutum tráan tykkara koma fram fyri Guð í ákallan og bøn við tøkk, og Guðs friður, sum ber av øllum viti, skal varðveita hjørtu tykkara og hugsanir tykkara í Kristi Jesusi.
Vit mugu læra okkum at fara til Harran við øllum í bøn og ákallan við tøkk. Tað gevur okkum Guds frið, sjálvt um vit eru í truplum støðum. Róm. 10.17 sigur, at trúgvin kemur av tí, sum hoyrt verður. Tí er tað týðandi fyri okkum, at vit hoyra Guds orð og taka tað til okkum, játta tað hvønn dag og gera eftir tí.
Aðrar greinar
𝗙𝗿𝗼𝗺 𝗱𝗿𝘂𝗴𝘀 𝗮𝗻𝗱 𝗼𝗰𝗰𝘂𝗹𝘁𝗶𝘀𝗺 𝘁𝗼 𝗖𝗵𝗿𝗶𝘀𝘁
Rev. Kirk DuBois was saved in 1971 as a teenager during the “Jesus Movement” in San Diego, California, and delivered from drugs and the occult. He was...
𝗙𝗿𝗮́ 𝗿𝘂́𝘀𝗲𝘃𝗻𝘂𝗺 𝗼𝗴 𝗼𝗸𝗸𝘂𝗹𝘁𝗶𝘀𝗺𝘂 𝘁𝗶𝗹 𝗞𝗿𝗶𝘀𝘁𝘂𝘀
Sunnudagin 12. apríl fær samkoman Lívsins Orð vitjan av Kirk Dubois úr USA.Kirk Dubois varð frelstur sum ein tannáringur í 1971 undir tí sokallaðu rør...
Hvat gert tú við kallið?
Kári E. Jacobsen talar um hjálparloysi og hvussu øll menniskju einaferð hava verið hjálparleys. Við dømum úr Bí...
