Ápostlasøgan 29
06.06.21 | Símin P. JacobsenHoyr Símun P. Jacobsen tala um, at Ápostlasøgan hevur ongan formligan enda, men er ætlað at halda fram. Vit, sum eru trúgvandi, skriva kristnu søguna í dag.
Í Ápostlasøguni síggja vit, at samkoman vaks við nógvari ferð. Hon bæði vaks í tali, men eisini á annan hátt, eitt nú í kraft og tænastu fyri Harran. Men vit síggja eisini ómoral, falslærur og fráfall í byrjanini av kristnu samkomuni. Hóast tað, so eru tað trý ting, sum eyðkendu tey fyrstu kristnu.
Fyri tað fyrsta, høvdu tey umsorgan fyri menniskjum. Í Apostlasøguni kap. 6, síggja vit samkomuna velja sjey mans til at hava ábyrgdina av, at matur varð býttur út til tey, sum trongdu. Hesir skuldu vera fullir av Guds Anda og kraft. Júst hetta, var eitt av teimum eyðkennunum, sum gjørdi tey fyrstu kristnu so væl umtókt. Søgufrøðingar meta, at fyrstu tíðina býttu tey kristnu í Jerusalem mat út til 1500 fólk dagliga.
Í øðrum lagi, so hildu tey fast við at koma saman, har tey vóru. Tey hildu fast við felagsskapin við onnur trúgvandi. Júst hetta, at tey komu saman fyri at áminna og uppmuntra hvønn annan, gjørdi, at tey vunnu á teimum avbjóðingum, sum møtti teimum kristnu í fyrstu tíðini.
Í triðja lagi, so prædikaðu tey Gud sum faðir og ikki bara sum Gud. Nógv av hinum, sum boðaðu sín gud, talaðu um ein strangan Gud, sum kravdi, meðan tey fyrstu kristnu prædikaðu Gud sum ein kærleiksfullan faðir.
Aðrar greinar
Per Hyldegaard vitjar
Sunnudagin 26. Oktober fær samkoman Lívsins Orð í Runavík vitjan av danska evangelistinum Per Hyldgaard. Hann er stovnarin og leiðarin fyri missiónsfe...
Nærri – Felagsdagur fyri fríkirkjunetverkið
Hetta er dagurin, har vit leggja egin tiltøk, møtir og gudstænastur niður og koma saman sum karismatisk rørsla. Endamálið við Nærri er, at vit sum fel...
Samkomulegan 2025
Samkoman Lívsins Orð hevur samkomulegu í Skálavík frá fríggjadegnum 10. oktober til sunnudagin 12. oktober. Tí verður ikki møti í hølunum hjá Lívsins ...
