Eitt møti við Jesus

Símin P. Jacobsen talar um okkara reaktiónir uppá tað, sum Jesus hevur sagt og týdningin av, at menniskju fáa eitt møti við Jesus Kristus. Í Áps. 18.1-17 lesa vit um, tá ið Paulus var í Korint og prædikaði, og hópur av menniskjum vórðu frelst. Seinni skrivar hann brøv til tey trúgvandi í Korint. Í teimum peikar Paulus á trupulleikar, sum samkoman í Korint hevði.

Spurningurin er, hvat tey trúgvandi í Korint gjørdu við tað orðið, sum tey hoyrdu? Hvør var teirra reaktión uppá orðið frá Gudi? Hin spurningurin, vit mugu seta okkum, er, hvat vit gera við Guds orð, tá ið vit hoyra tað? Hvør er okkara reaktión?

Í Mark. 10.17-22 lesa vit um ein ríkan unglinga, sum møtti Jesusi. Hendan frásøgnin vísir okkum, at hesin unglingin hoyrdi tað, sum Jesus segði men vildi ikki yvirgeva seg heilt til Jesus. Men Jesus vil verða alt í okkara lívi.

Um vit ikki vilja yvirgeva alt til Jesus, verður tað trupult at fylgja Honum eftir.

Símin P. Jacobsen

Símin er giftur Mariann, og eiga tey 4 børn. Símin hevur hollar royndir við at prædika og sum pastorur í meiri enn 30 ár. Símun hevur prógv frá Livets Ord Bibelcenter í Uppsala, Svøríki. Hansara hjartamál er, at kristin skulu liva samsvarandi trúnni, at kristin elska hvønn annan og hava umsorgan fyri hvørjum øðrum, og at boða Bíbliuna sum Guds orð.

Aðrar greinar

Per Hyldegaard vitjar

Sunnudagin 26. Oktober fær samkoman Lívsins Orð í Runavík vitjan av danska evangelistinum Per Hyldgaard. Hann er stovnarin og leiðarin fyri missiónsfe...

25.10.25 |

Tíðindi

Vitjandi

Nærri – Felagsdagur fyri fríkirkjunetverkið

Hetta er dagurin, har vit leggja egin tiltøk, møtir og gudstænastur niður og koma saman sum karismatisk rørsla. Endamálið við Nærri er, at vit sum fel...

13.10.25 |

Tíðindi

Samkomulegan 2025

Samkoman Lívsins Orð hevur samkomulegu í Skálavík frá fríggjadegnum 10. oktober til sunnudagin 12. oktober. Tí verður ikki møti í hølunum hjá Lívsins ...

08.10.25 |

Tíðindi