Eitt orð frá Gudi
13.01.20 | Ólavur JacobsenEitt orð frá Gudi kann broyta títt lív. Hoyr Ólavur Jacobsen tala um hvussu eitt orð frá Gudi kann seta teg í frælsi, og broyta títt lív.
Í Matt. 8.5-13 lesa vit um høvuðsmannin, sum kom til Jesus tí drongur hansara lá lamin heima við hús, í svárari pínu. Jesus sigur við hann, at Hann skuldu koma á grøða hann. Legg so merki til, at høvuðsmaðurin sigur:
Høvuðsmaðurin svaraði: “”Harri! Eg eri ikki verdur, at Tú skalt koma undir tak mítt! Nei; sig bert orð, so verður drongur mín frískur!
Víðari stendur í Matt. 8: “Eg eri jú sjálvur maður, ið standi undir øðrum, og eg havi uppaftur hermenn undir mær; sigi eg nú við ein: “”Far!”” so fer hann, og við annan: “”Kom!”” so kemur hann, og við tænara mín: “”Ger hetta!”” so ger hann tað.”” Táið Jesus hoyrdi hetta, undraðist Hann og segði við tey, sum fylgdu Honum: “”Sanniliga, sigi Eg tykkum: Eg havi ikki funnið so stóra trúgv – nei, ikki í Ísrael heldur! Men Eg sigi tykkum, at mong skulu koma eystaneftir og vestaneftir og sita til borðs við Ábrahami, Ísaki og Jákupi í ríki Himmiríkis. Men børn ríkisins skulu verða koyrd út í myrkrið uttanfyri; har skal vera grátur og tannagrísl.”” So segði Jesus við høvuðsmannin: “”Far! Tær verði, sum tú trúði!”” Og drongurin varð frískur í somu stund.”
Høvuðsmaður sigur við Jesus: “sig bert ORÐ, so verður drongur mín frískur!” Eitt orð frá Jesusi var nóg mikið fyri høvuðsmannin. Hann skilti myndugleikan í einum orðið frá Jesusi.
Sálm. 107.19-20 sigur:
Men tey róptu til HARRAN í neyðini, og Hann frelsti tey úr trongdum teirra, sendi orð Sítt og grøddi tey og frelsti tey frá grøvini.
Eitt orð frá Gudi hevur kraft til at seta teg í frælsi frá øllum tí, sum bindur og plágar teg. Lat okkum, eins og høvuðsmaðurim, fara til Jesus, fyri at fáa eitt orð frá Honum.
Aðrar greinar
𝗙𝗿𝗼𝗺 𝗱𝗿𝘂𝗴𝘀 𝗮𝗻𝗱 𝗼𝗰𝗰𝘂𝗹𝘁𝗶𝘀𝗺 𝘁𝗼 𝗖𝗵𝗿𝗶𝘀𝘁
Rev. Kirk DuBois was saved in 1971 as a teenager during the “Jesus Movement” in San Diego, California, and delivered from drugs and the occult. He was...
𝗙𝗿𝗮́ 𝗿𝘂́𝘀𝗲𝘃𝗻𝘂𝗺 𝗼𝗴 𝗼𝗸𝗸𝘂𝗹𝘁𝗶𝘀𝗺𝘂 𝘁𝗶𝗹 𝗞𝗿𝗶𝘀𝘁𝘂𝘀
Sunnudagin 12. apríl fær samkoman Lívsins Orð vitjan av Kirk Dubois úr USA.Kirk Dubois varð frelstur sum ein tannáringur í 1971 undir tí sokallaðu rør...
Hvat gert tú við kallið?
Kári E. Jacobsen talar um hjálparloysi og hvussu øll menniskju einaferð hava verið hjálparleys. Við dømum úr Bí...
