Fjallaprædikan (1)
07.04.21 | Símin P. JacobsenHoyr Símun P. Jacobsen tala út frá fjallaprædikuni hjá Jesusi. Efe. 5.1 sigur, at vit skulu vera eftirfylgjarar Guds. Fyri at vera eftirfylgjari Guds, so mugu vit kenna persónin, sum vit skulu eftirfylgja. Vit mugu vita hvat Hann hugsaði, lærdi og gjørdi.
Áðrenn fjallaprædikuna í Matteus kap. 5, 6 og 7, hevði Jesus útvalt Sær lærusveinar (Matt. 4.18-22), og hevði ferðast um alt Galilea og lært, prædikað og grøtt hvørja sjúku og alskyns veikleika hjá fólkinum.
Men tá ið hann sá mannamúgvurnar, fór hann niðan á fjallið; og tá ið hann var setstur niður, komu lærusveinar hansara til hansara. Og hann tók til orða og lærdi teir og mælti: – Matt. 5.1-2
Tað eru fleiri grannskara, sum halda, at “”fjallaprædikan”” ikki er ein samanhengandi læra, men helst samansett av fleiri undirvísingum, sum Jesus hevði. Um so er ella ikki, so gevur Jesus okkum lærdóm, sum vit kunnu brúka fyri at liva tað lívið, sum Hann hevði ætlað okkum til. Orðið “”lærdi teir”” kann hava merkingina av, at Hann lærdi teir aftur og aftur fyri at teir kundu fara út og gera Jesu verk. Jesus mátti fáa Orðið niður í teir áðrenn teir fóru út.
Lat okkum hyggja at nøkrum av teimum sannleikum, sum Jesus setur fram her:
- SÆL ERU TEY í ANDANUM FÁTÆKU.
Jesus byrjar hesa læru við at siga, at “”Sæl eru tey í andanum fátæku, tí at himmiríkið er teirra.”” At vera fátækur í andanum merkir helst, at vit einki hava í hesum heimi, sum vit seta okkara álit á. At vit ásanna okkara hjálpaloysi uttan Hann. Hvat seta vit okkara álit á í hesum heimi?
- SÆL ERU TEY, IÐ SYRGJA
Jesus sigur, at tey, sum syrgja skulu fáa troyst. Tað at syrgja í hesum førinum er, at syrgja yvir órættvísi og tað, sum skeivt er. At syrgja yvir teimum, sum líða og at taka sær av tørvunum hjá øðrum. At syrgja yvir synd leiðir til umvending.
Jesus leitar eftir menniskjum, sum vilja fylgja Honum eftir í atburði. Menniskjum, sum vilja tæna Honum og gera Hansara verk á jørð.
Ert tú villugur ella villug at gerast ein slíkur? At gerast ein eftirfylgjari Guds?
Aðrar greinar
𝗙𝗿𝗼𝗺 𝗱𝗿𝘂𝗴𝘀 𝗮𝗻𝗱 𝗼𝗰𝗰𝘂𝗹𝘁𝗶𝘀𝗺 𝘁𝗼 𝗖𝗵𝗿𝗶𝘀𝘁
Rev. Kirk DuBois was saved in 1971 as a teenager during the “Jesus Movement” in San Diego, California, and delivered from drugs and the occult. He was...
𝗙𝗿𝗮́ 𝗿𝘂́𝘀𝗲𝘃𝗻𝘂𝗺 𝗼𝗴 𝗼𝗸𝗸𝘂𝗹𝘁𝗶𝘀𝗺𝘂 𝘁𝗶𝗹 𝗞𝗿𝗶𝘀𝘁𝘂𝘀
Sunnudagin 12. apríl fær samkoman Lívsins Orð vitjan av Kirk Dubois úr USA.Kirk Dubois varð frelstur sum ein tannáringur í 1971 undir tí sokallaðu rør...
Hvat gert tú við kallið?
Kári E. Jacobsen talar um hjálparloysi og hvussu øll menniskju einaferð hava verið hjálparleys. Við dømum úr Bí...
