Fyrigeving (2)
12.07.21 | Poli JacobsenLíka mikið hvørjum aldri vit eru í, ella hvørji støðu vit eru í, ella hvat er frammanfyri okkum, so gera vit kløkt í at gera okkum greitt, at okkara lív verður ávirkað av teimum avgerðum, vit taka.
Sum oftast hava vit eitt val millum í minsta lagi tveir møguleikar, og avgerðin, vit taka, førir okkum inn á eina lívsleið ella aðra.
Tú ert kanska í einum tíðarskeiði í lívinum, har tú verður noyddur at taka eina avgerð ella at velja í millum at liva fyri Gudi ella onkra aðra leið.
Ein og hvør avgerð og ein og hvør leið her í lívinum, førir teg til eitt ella annað mál.
Tað kann vera, at tú ert í eini støðu, sum er í komin orsaka av skeivum avgerðum í tínum lívi, og hevur ført teg inn á eina av lívsins síðugøtum. Men tú kanst taka eina avgerð í dag at broyta tann veg, tú gongur og fara inn á eina aðra lívsleið.
Kol. 2.13-14 sigur:
Eisini tykkum, sum vóru deyð í syndum tykkara og óumskorna standi tykkara – holdinum – gjørdi Hann livandi við Honum. Hann fyrigav okkum øll misbrot okkara og útstrikaði skuldarbrævið móti okkum, sum við boðum sínum gekk okkum ímóti; Hann tók tað burt við at negla tað á krossin.
Tað eru nøkur ting her í lívinum, sum øll menniskju hava brúk fyri, fyrr ella seinni. Eitt av hesum tingunum er fyrigeving. Fyri tað menniskja, sum hevur innsæð sín tørv á fyrigeving, er fyrigiving eitt av teimum stóru tingunum, eitt menniskja kann uppliva.
MEN tað er eisini eitt annað, sum øll menniskju hava brúk fyri, fyrr ella seinni, og tað er at at FYRIGEVA onkrum, sum hevur sárað okkum. Tað er ein forloysandi kraft í at verða fyrigivin, men tað er eisini ein forloysandi kraft í at fyrigeva.
Hoyr Pola Jacobsen tala um 4 spurningar í sambandi við okkum og fyrigeving:
- HVÍ mugu vit fyrigeva?
- HVØRJUM mugu vit fyrigeva?
- HVAT mugu vit fyrigeva?
- HVUSSU mugu vit fyrigeva?
Aðrar greinar
𝗙𝗿𝗼𝗺 𝗱𝗿𝘂𝗴𝘀 𝗮𝗻𝗱 𝗼𝗰𝗰𝘂𝗹𝘁𝗶𝘀𝗺 𝘁𝗼 𝗖𝗵𝗿𝗶𝘀𝘁
Rev. Kirk DuBois was saved in 1971 as a teenager during the “Jesus Movement” in San Diego, California, and delivered from drugs and the occult. He was...
𝗙𝗿𝗮́ 𝗿𝘂́𝘀𝗲𝘃𝗻𝘂𝗺 𝗼𝗴 𝗼𝗸𝗸𝘂𝗹𝘁𝗶𝘀𝗺𝘂 𝘁𝗶𝗹 𝗞𝗿𝗶𝘀𝘁𝘂𝘀
Sunnudagin 12. apríl fær samkoman Lívsins Orð vitjan av Kirk Dubois úr USA.Kirk Dubois varð frelstur sum ein tannáringur í 1971 undir tí sokallaðu rør...
Hvat gert tú við kallið?
Kári E. Jacobsen talar um hjálparloysi og hvussu øll menniskju einaferð hava verið hjálparleys. Við dømum úr Bí...
