Guds trúfesti (2)
05.08.22 | Poli JacobsenHoyra Pola Jacobsen tala annan part um Guds trúfesti móti Sínum Orði og móti teimum lyftum, sum Hann hevur givið, út frá Heb. 11.11:
Við trúgv fekk eisini Sára kraft at grunda ætt, tóat hon var farin um tann aldur; tí hon roknaði Hann trúfastan, sum hevði lovað tað.
Sára, sum var kona Ábraham, var í tí støðu, at hon var ófruktbør – hon kundi ikki fáa børn. Men ein dagin kemur Harrin at vitja tey og gevur teimum lyfti um, at tey skulu fáa ein son. Í byrjanini trúðu tey ikki hesum orðum, men skjótt broyttu tey hugsan og valdu at trúgva, at Hann, sum hevði givið lyftið, var eisini mentur at fullføra tað.
Í hesi undirvísingini verður hugt at hesum sannleikum í Heb. 11.11:
1. Gud lovaði
2. Sára roknaði
3. Sára trúði
Gud er trúfastur móti øllum tí, sum Hann hevur lovað, og tí kunnu vit rokna við Hansara lyftum móti okkum. Í størri mun vit erfara Hansara trúfesti móti Sínum lyftum, í størri mun fara vit at handla eftir Hansara lyftum.
Gud vil, at vit á sama hátt sum Sára, ROKNA Hann trúfastan og taka í móti Hansara lyftum í trúgv.
Latið okkum halda óvikiliga fast við játting vónar okkara – tí Hann er trúfastur, sum gav lyftið!
– Heb. 10.23
Aðrar greinar
Per Hyldegaard vitjar
Sunnudagin 26. Oktober fær samkoman Lívsins Orð í Runavík vitjan av danska evangelistinum Per Hyldgaard. Hann er stovnarin og leiðarin fyri missiónsfe...
Nærri – Felagsdagur fyri fríkirkjunetverkið
Hetta er dagurin, har vit leggja egin tiltøk, møtir og gudstænastur niður og koma saman sum karismatisk rørsla. Endamálið við Nærri er, at vit sum fel...
Samkomulegan 2025
Samkoman Lívsins Orð hevur samkomulegu í Skálavík frá fríggjadegnum 10. oktober til sunnudagin 12. oktober. Tí verður ikki møti í hølunum hjá Lívsins ...
