Hjálp í neyðini
01.01.22 | Poli JacobsenMen hvussu hjálpti Gud teimum? Sálm. 107.17-20 sigur:
Tey vóru dárar og vórðu plágað fyri syndigu vegir sínar og misgerðir sínar; allur matur beyð sál teirra ímóti, og tey komu portrum deyðans nær. Men tey róptu til HARRAN í neyðini, og Hann frelsti tey úr trongdum teirra, sendi orð Sítt og grøddi tey og frelsti tey frá grøvini.””
Guds fólk var í eini truplari støðu, men tá ið tað sá myrkast út, róptu tey til Gud í neyðini. Hvat gera vit, tá ið vit ERU Í NEYÐINI? Taka vit synd í okkum sjálvum og lata mótloysi taka yvir? Ella gerast vit beisk og geva onkrum øðrum skuldina? Nøkur dulma sínar sansir ella kenslur við onkrum, sum fær tey at “”gloyma”” neyðina, tey eru í. Men loysa hesar reaktiónirnar okkara trupulleika? Ísrael vendi sær til Harran og Hann sendi teimum hjálp í neyðini. Hann sendi SÍTT ORÐ.
Ofta hava vit tann hugburð, at Gud skal hjálpa okkum uppá okkara máta. MEN Gud sendi teimum ikki ting, men Sítt ORÐ og grøddi og frelsti tey frá grøvini. Ofta síggja vit ikki tað, sum Gud ger, tí vit vænta okkum svarið uppá onkran annan máta.
Ofta sendir Gud okkum eitt orð frá Sær, men vit taka ikki í móti Orðinum, tí vit vænta okkurt annað. Men ORÐIÐ er ment at seta okkum í frælsi. ORÐIÐ er amboðið, sum Gud brúkar.
Lurta eftir taluni og hoyr, hvussu eitt orð frá Gudi broytti umstøður, og hvat vit mugu gera við Orðið frá Gudi.
Aðrar greinar
Gud er faðir okkara
Tá ið Jesus kom og kallaði Gud ”Faðir”, skapti tað tað stóra undran og øði millum fólkið, sum Hann prædikaði fyri. G...
Hví gera vit tað, vit gera?
Í Skriftini eru nógv dømi um menniskju, sum spyrja Gud spurningar um ymisk viðurskifti í teirra lívi. Men Sk...
Dýri Biðdagur Bøn
Dýra Biðidag skipar samkoman Lívsins Orð fyri bøn fyri Norðurlondum. Byrja verður kl. 10.00 við morgunmati. Bøn byrjar kl. 11.00 til 14.00. Skráin fyr...
