Jesus er nær
17.06.23 | Símin P. JacobsenSímin P. Jacobsen talar um, at Jesus er nær og hevur umsorgan fyri okkum. Mark. 4.35-41 er ein frásøgn um stormin á vatninum, tá ið lærusveinarnir fara yvirum vatnið og Jesus er við í bátinum. Spurningurin, sum lærusveinarnir seta Jesusi, tá ið alt sær vónleyst út, er: “”Meistari, leggur Tú einki í, at vit ganga burtur?””
Tá ið vit møta trupulleikum í okkara lívi, hvar er Jesus tá? Hann er nær og hevur umsorgan fyri okkum. Jesus var við í bátinum, bæði tá ið tað var stilt, og tá ið tað var ódnarveður. Hann er altíð nær. Tí kunnu vit rópa til Hansara, og Hann vil bjarga okkum. 1. Pætur. 5.5-7 sigur:
Somuleiðis tit ungu, verið teimum eldru undirbrotlig; og klæðist øll í lítillæti hvør móti øðrum, tí at Guð stendur dramblátum ímót, men eyðmjúkum veitir hann náði. Eyðmýkið tykkum tí undir Guðs veldigu hond, fyri at hann á sínum tíma má upphevja tykkum. Kastið alla sorg tykkara á hann; tí at hann hevur umsorgan fyri tykkum.
Orðið sorg merkir eisini stúran. Jesus vil hava okkum at kasta allar okkara stúranir á Seg, tí Hann hevur umsorgan fyri okkum. Paulus sigur í Róm. 8.31-39, at einki kann skilja okkum frá kærleika Kristusar, tí Hann er við okkum og fyri okkum.
Aðrar greinar
Hvat gert tú við kallið?
Kári E. Jacobsen talar um hjálparloysi og hvussu øll menniskju einaferð hava verið hjálparleys. Við dømum úr Bí...
Guds orð er okkara vápn
Lívsins Orð · Guds Orð er okkara vápn Heidi M Johansen talar um, at vit mugu lata Guds orð búgva ríkliga millum okkara. Tað er við Guds orði, at vit [...
Hvussu kemur trúgv?
Poli Jacobsen talar um hvussu vit fáa trúgv. Heb. 11.6 sigur, at tað er ómøguligt at toknast Gudi uttan trúgv, so tr...
