Tíni orð hava týdning
07.07.21 | Kári E. JacobsenEs. 57.18-19 sigur: “”Vegir hansara havi Eg sæð, og Eg skal grøða hann; Eg skal leiða hann og troysta hann og tey hjá honum, sum syrgja. Eg skal skapa ávøkst varra – frið, frið bæði langt burtur og nær – sigur HARRIN – og Eg grøði hann.””
Eitt tað fyrsta vit síggja í Skriftini er, at Gud talar og tað hendir. Gud skapti alheimin við orðum, við at tala. Tá ið Gud talar, so hendir eitt ella annað. Guds orð er so máttmikið, at tað kann skapa nakað burturúr ongum.
Guds orð á okkara munni kann broyta umstøður, tí Guds orð er ikki avmarkað av umstøðum í hesum heimi.
Róm. 10.9 sigur “Tí um tú við munninum játtar Jesus sum Harra og trýrt í hjartanum, at Gud reisti Hann upp frá hinum deyðu, so skalt tú verða frelstur.”” Tíni orð eru við til at geva tær atgongd til frelsuna í Jesusi. Tá ið vit játta Jesus sum Harra og trúgva í hjartanum, at Gud reisti Hann upp frá hinum deyðu, verða vit flutt úr myrkrinum og inn í ljósið.
Orð. 18.20-21: “Við ávøkstinum av munni mansins verður búkur hansara mettaður; av grøði varra sína verður hann mettur. Deyða og lív hevur tungan í valdi sínum, og tann, ið fegin nýtir hana, skal eta ávøkst hennara.”
Latið okkum tá – við Honum – altíð bera Gudi fram lovoffur – tað er ávøkstur varra, sum lova navni Hansara! – Heb. 13.15
Hoyr, hví tað ofta ikki hendir nakað í okkara lívi, og hvønn leiklut okkara orð hava.
Aðrar greinar
Per Hyldegaard vitjar
Sunnudagin 26. Oktober fær samkoman Lívsins Orð í Runavík vitjan av danska evangelistinum Per Hyldgaard. Hann er stovnarin og leiðarin fyri missiónsfe...
Nærri – Felagsdagur fyri fríkirkjunetverkið
Hetta er dagurin, har vit leggja egin tiltøk, møtir og gudstænastur niður og koma saman sum karismatisk rørsla. Endamálið við Nærri er, at vit sum fel...
Samkomulegan 2025
Samkoman Lívsins Orð hevur samkomulegu í Skálavík frá fríggjadegnum 10. oktober til sunnudagin 12. oktober. Tí verður ikki møti í hølunum hjá Lívsins ...
