Vit mugu seta mørk!
20.02.21 | Svenn Harry JohansenHoyr Svenn Harry Johansen tala um at seta mørk í okkara lívi. Vit eru øll í einum andaligum stríði, men Bíblian sigur okkum, at vit hava eina borg, og at vit standa á einum kletti.
Ver mær klettur, sum eg kann búgva á, og sum eg altíð kann flýggja til, Tú, sum hevur ásett mær frelsu! Tú ert klettur og borg mín.
– Sálm. 71.3
Dávid sigur eisini í Sálm. 61.4: “”Tí Tú ert skjól mítt, sterkt torn móti fíggindanum.“” og tað sama sigur sonur Dávids, Sálomo, í Orð. 18.10: “”Navn HARRANS er sterkt torn; hin rættvísi skundar sær hagar og verður bjargaður.“”
Okkara fokus má vera á einum føstum punkti, sum er Jesus. Fíggindin roynir at distrahera okkum, so vit missa okkara fokus á Jesusi og tí verki, sum Hann hevur kallað okkum til. (Orð. 23.7). Tað, sum okkara sinni er upptikið av, vil stýra okkum. Róm. 12.2 sigur, at vit hava ábyrgd av at endurnýggja okkara sinni ella okkara tankagongd:
Og berið tykkum ikki at sum henda øld, nei, verðið umskapt við endurnýggjan sinnis tykkara, so tit kunnu royna, hvat vilji Guds er – hitt góða, dámliga og fullkomna!
Vit mugu læra okkum at seta mørk. Vit mugu ansa eftir, hvat vit gera, hoyra og hyggja at. Paulus sigur við tey trúgvandi í Efesus, at tey høvdu ábyrgd av at seta mørk yvirfyri fíggindanum:
og gevið ikki Djevulinum rúm!
Aðrar greinar
Gud er faðir okkara
Tá ið Jesus kom og kallaði Gud ”Faðir”, skapti tað tað stóra undran og øði millum fólkið, sum Hann prædikaði fyri. G...
Hví gera vit tað, vit gera?
Í Skriftini eru nógv dømi um menniskju, sum spyrja Gud spurningar um ymisk viðurskifti í teirra lívi. Men Sk...
Dýri Biðdagur Bøn
Dýra Biðidag skipar samkoman Lívsins Orð fyri bøn fyri Norðurlondum. Byrja verður kl. 10.00 við morgunmati. Bøn byrjar kl. 11.00 til 14.00. Skráin fyr...
